“Aucuri ti bbona Pasca” – di Catone Tersonio
Aucuri ti bbona Pasca 2011
Sulu sulu šta chiangia
sott’a nn’àrvulu t’aulia…
no lla vògghiu šta passioni,
noni auannu, noni moni;
tegnu tuttu, è nnu piaceri,
Matalena e nnu mištieri
eccu, nzomma, štau filici
puru cu lli sacrifici
e anveci àggi’a llassari
tutti cosi pi pigghiari
nn’atra croci ti purtari
e nna morti ti mbrazzari;
ntra nna guerra ti bbricanti,
nna cacciata t’emicranti,
“bunga bunga” cu vagnuni
e crapicci ti patruni,
cchiù nisciunu faci nienti
pi ll’amori ti la ggenti,
né ci veti e passa trittu
né ci senti e si šta zittu.
Ma nna voci ti luntanu
mi šta ddici chianu chianu:
“zittu Crištu, lassa fari,
prima o poi ànn’a cangiari,
ca mantegnu la spiranza
ti nnu mundu cu crianza;
falla arretu nn’atra morti
ci sa’ càngiunu la sorti”.
Catone Tersonio
Argomenti correlati: Pasqua
COMMENTA L'ARTICOLO